Fréttasafn

Síðdegis fimmtudaginn 6. mars verður opnuð sýning í anddyri Hörpu sem ber yfirskriftina Sögubrot frá Sinfó. Á sýningunni verður litið yfir farinn veg með örfáum myndbrotum úr sögu sveitarinnar allt frá stofnun fyrir 75 árum.

Sýningin mun standa út starfsárið og verður opin öllum gestum Hörpu.

Hæfnispróf fer fram 3. júní 2025 í Hörpu, Reykjavík.
Umsóknarfrestur er til 22. apríl nk.

Hæfnispróf fer fram 8. maí 2025 í Hörpu, Reykjavík.
Umsóknarfrestur er til 27. mars nk.

Opinni æfingu fyrir tónleikana Eva stjórnar Mahler, fimmtudaginn 6. febrúar kl. 10:00, hefur verið aflýst vegna veðurs. 

Katie Buckley hefur verið leiðandi hörpuleikari Sinfóníuhljómsveitar Íslands frá árinu 2005. Hún kemur fram sem einleikari í hörpukonsertinum Sigla eftir Lottu Wennäkoski fimmtudagskvöldið 20. febrúar næstkomandi. Katie er ástríðufullur túlkandi nýrrar tónlistar, frá Önnu Þorvaldsdóttur til Bjarkar Guðmundsdóttur, en elskar líka frönsku meistarana, Ravel og Debussy.

Hljómsveitarnámskeið Ungsveitar Sinfóníuhljómsveitar Íslands 2025 stendur frá mánudeginum 8. september til sunnudagsins 21. september 2025. Verkefni Ungsveitarinnar er Sinfónía nr. 4 eftir Tsjajkovskíj undir stjórn Nathanaël Iselin. 

Hljómsveitarnámskeiðinu lýkur með glæsilegum stórtónleikum í Eldborg, Hörpu, sunnudaginn 21. september kl. 14:00.

Í tengslum við 75 ára afmæli Sinfóníuhljómsveitar Íslands efnir sveitin til samfélagsverkefnisins „Viltu spila með?“ það snýst um að öllum sem vilja er boðið að leika með Sinfóníuhljómsveit Íslands í opnu samspili í Eldborg miðvikudaginn 26. febrúar 2025 kl. 19:00 – 19:30. Lokað hefur verið fyrir skráningu þar sem að Eldborgarsvið er orðið fullt. Gestir eru velkomnir að hlýða á samspilið – Aðgangur er ókeypis og eru öll velkomin á meðan húsrúm leyfir.

Árlega fer fram keppni ungra einleikara sem Listaháskóli Íslands og Sinfóníuhljómsveit Íslands standa fyrir í sameiningu. Keppnin er opin öllum nemendum á háskólastigi óháð því hvaða skóla þeir sækja og fá sigurvegarar keppninnar að koma fram sem einleikarar með Sinfóníuhljómsveit Íslands á tónleikum í Eldborg í lok apríl.

Sinfóníuhljómsveit Íslands lék á 105 fjölbreyttum og litríkum tónleikum á árinu 2024 fyrir um 79.000 góða gesti. Meðal fjölmargra hápunkta ársins má nefna komu hins heimsþekkta sellóleikara Yo-Yo Ma til landsins þar sem hann lék sellókonsert Elgars með hljómsveitinni ásamt því að leika á dúó-tónleikum með píanóleikaranum Kathryn Stott.